Ushtria izraelite ka goditur me bomba me fosfor të bardhë të ndaluar zonën kufitare në jug të Libanit, transmeton Anadolu.
Sipas lajmit të agjencisë zyrtare libaneze NNA, ushtria izraelite ka shënjestruar me zjarr artilerie me përmbajtje të fosforit të bardhë qytezën Khiam në rajonin kufitar dhe fushën e zonës Marjayoun.
Gjithashtu thuhet se njësitë izraelite të artilerisë goditën me të shtëna të rënda artilerie edhe zonën Hora mes Kfarkilla dhe Deirmimas.
Ushtria izraelite në një deklaratë njoftoi se objektivat dhe pikat e vëzhgimit të Hezbollahut në qytezat Khiam, Ramyah dhe Alma Al-Chaab u bombarduan nga avionët luftarakë.
