Kina po përgatit ushtrinë e saj për luftë me Tajvanin, ka paralajmëruar gjenerali i pensionuar i ushtrisë amerikane dhe ish-këshilltari i sigurisë kombëtare Herbert Raymond McMaster.
Marrëdhëniet midis Kinës dhe Tajvanit kanë qenë prej kohësh të tensionuara për shkak të dëshirës së ishullit për të qenë i pavarur, por janë bërë më të tensionuara pasi udhëheqja e Kinës merr një qëndrim gjithnjë e më agresiv.
Edhe pse Tajvani e konsideron veten të pavarur nga Kina dhe njihet si një vend gjysmë autonom, nga ana e saj Kina e ka pretenduar ishullin si të vetin dhe e konsideron kontrollin e ishullit çelësin e ribashkimit, raporton Newsweek.com.
McMaster tha se ai besonte se Kina mund të përgatitet për veprime ushtarake për të marrë kontrollin e Tajvanit, duke shtuar se presidenti kinez Xi Jinping e ka bërë të qartë se ka në plan të rimarrë Tajvanin.
“Xi Jinping e ka bërë shumë të qartë në deklaratat e tij se, nga këndvështrimi i tij, ai do ta bëjë përsëri Kinën të plotë duke nënshtruar Tajvanin. Dhe përgatitjet janë duke u zhvilluar,” tha gjenerali në pension. /panorama
