Kryetari i Partisë Demokratike të Kosovës, Memli Krasniqi, ka thënë se data 26 janar 2025 do të ishte e duhura për mbajtjen e zgjedhjeve të rregullta parlamentare.
Lideri i PDK-së, para gazetarëve pas takimit me presidenten Osmani, tha se Kosova ka nevojë për një qeveri tjetër, ndryshe nga kjo aktuale.
Ai u shpreh i gatshëm për zgjedhje të parakohshme, por tha se momentalisht partitë s’kanë vullnet të tillë.
