Emisari sllovak, Miroslav Lajçak, ka takuar këshilltarin për politikën e jashtme dhe sigurisë të kancelarit gjerman, Jens Pletner, në margjinat e Asamblesë së Përgjithshme të OKB-së,
Lajçak, përmes një postimi në platformën “X”, ka thënë se me Pletner kanë diskutuar për situatën në Ballkanin Perëndimor dhe mënyrën e zhbllokimit të zbatimit të Marrëveshjes së Ohrit.
Po ashtu, emisari gjerman ka shprehur mirënjohjen e tij për angazhimin e Gjermanisë në procesin normalizimit.
“Në margjinat e Asamblesë së Përgjithshme të OKB-së , me Jens Pletner, këshilltar për politikën e jashtme dhe sigurinë të kancelarit gjerman, diskutuam situatën në Ballkanin Perëndimor dhe mënyrën se si të zhbllokojmë zbatimin e Marrëveshjes së Ohrit. Jam mirënjohës për angazhimin e fortë të Gjermanisë për procesin e normalizimit”, ka shkruar Lajçak.
