Shenjat se Siria do të kthehet në bashkësinë arabe, duke i dhënë fund izolimit prej vitesh të vendit të shkatërruar nga lufta po rriten, ndërsa ministrat e Jashtëm arabë takohen sot në Kajro për të diskutuar këtë çështje.
Siria u përjashtua nga Lidhja Arabe prej 22 anëtarësh në vitin 2011 në shenjë proteste ndaj shtypjes së pamëshirshme të qeverisë siriane ndaj një kryengritjeje pro-demokracisë që u përshkallëzua në luftë civile.
Por në muajt e fundit, disa zyrtarë arabë kanë udhëtuar në Damask, ndërsa kryediplomati i Sirisë ka vizituar disa vende arabe, duke sinjalizuar një fund të mundshëm të statusit të parisë të qeverisë së presidentit sirian Bashar al-Assad.
Muajin e kaluar, ministri i Jashtëm saudit Faisal bin Farhan vizitoi Damaskun dhe u takua me al-Assad, duke shënuar udhëtimin e parë të tillë në Siri në më shumë se një dekadë.
Arabia Saudite, një peshë e rëndë rajonale, pritet të presë një samit vjetor arab më 19 maj, i cili mund të shohë Sirinë të ripranohet në Lidhjen Arabe. /atsh
