Vizita e presidentit francez Emmanuel Macron në Sri Lankë ka shkuar në histori si vizita e parë e një lideri francez në këtë vend, transmeton Anadolu.
Sipas Radios Ndërkombëtare Franceze (RFI), Macron vizitoi vendin me rastin e 75-vjetorit të vendosjes së marrëdhënieve diplomatike midis Francës dhe Sri Lankës.
Macron, i cili qëndroi vetëm në aeroportin e kryeqytetit Colombo si pjesë e vizitës së tij, u takua me presidentin e Sri Lankës Ranil Wickremesinghe dhe ministrin e Jashtëm Ali Sabry.
Macron i premtoi Sri Lankës, e cila po kalon kohë të vështira ekonomike, se do të mbështesë ristrukturimin e borxhit.
Nga ana tjetër, Wickremesinghe në një deklaratë me shkrim ka tërhequr vëmendjen për rolin e Francës në marrëdhëniet ndërkombëtare.
Edhe pse zgjati vetëm dy orë, vizita e Macronit ishte e para e një lideri francez në Sri Lankë.
