Komuna e Malishevës ka marrë vendim që të shtyjë fillimin e gjysmëvjetorit të dytë në të gjitha shkollat e saj.
Përmes një njoftimi zyrtar të publikuar në rrjetet sociale, Komuna ka bërë të ditur se procesi mësimor do të fillojë më 14 janar 2026.
“Njoftim për nxënës dhe mësimdhënës: Mësimi në shkollat e Komunës së Malishevës shtyhet deri më 14 janar 2026”, thuhet në njoftimin e Komunës.
Ndërkohë, shtyrje e mësimit është njoftuar edhe në Shkollën Fillore dhe të Mesme të Ulët “Mihal Grameno” në Fushë-Kosovë.
