Rreth 600 mijë persona janë zhvendosur nga Rafah pas ofensivës izraelite, sipas Farhan Haq, zëdhënësit të Sekretarit të Përgjithshëm të OKB-së, Antonio Guterres.
“Që nga sot, rreth 600,000 njerëz, një e katërta e popullsisë së Gazës, janë zhvendosur nga Rafah që nga 6 maji, ndërsa operacioni tokësor izraelit atje vazhdon,” tha ai.
Përveç kësaj, Zyra e OKB-së për Koordinimin e Çështjeve Humanitare ka lëshuar një përditësim të shpejtë mbi zhvendosjen e palestinezëve nga qyteti jugor i Gazës.
“Më 14 dhe 15 maj, ushtria izraelite lëshoi dy urdhra të reja evakuimi për të gjitha ose një pjesë të 19 lagjeve në veri të Gazës, duke e çuar në pesë numrin e urdhrave të lëshuar që nga 6 maji në Rafah dhe Gazën veriore”, thuhet në përditësim.
Nga afro 600,000 të zhvendosur që nga 6 maji, thonë shifrat e OKB-së, afërsisht 150,000 nga ky numër janë larguar nga Rafah në 48 orët e fundit.
Ushtria izraelite vazhdon të lëvizë trupat tokësore në Rafah, pavarësisht paralajmërimeve nga SHBA-ja dhe të tjerët ndër aleatët e saj më të afërt.
