Më shumë se 10.000 gra janë vrarë në sulmin pandërprerë izraelit në Rripin e rrethuar të Gazës, tha të premten agjencia e OKB-së për refugjatët palestinezë (UNRWA).
Në një deklaratë, agjencia shprehet se “Lufta në Gaza vazhdon të jetë një luftë kundër grave”.
“Mbi 10.000 gra janë vrarë dhe 19.000 janë plagosur”, u theksua në deklaratë.
Agjencia shtoi gjithashtu se 37 fëmijë palestinezë humbasin nënën e tyre çdo ditë.
Ndërkaq u nënvizua edhe situata e rëndë përsa u përket kushteve, duke vënë në dukje se mbi 155.000 gra shtatzëna ose gjidhënëse janë përballur me akses të kufizuar në ujë dhe sende sanitare.
Izraeli për më shumë se gjysmë viti ka zhvilluar një luftë në Gaza që ka rezultuar me vdekjen e më shumë se 34.600 palestinezëve, ndërsa 77.800 të tjera janë plagosur. Shumica dërrmuese e të vdekurve kanë qenë gra dhe fëmijë.
