Presidentja e vendit, Vjosa Osmani ndodhet për një vizitë në Danimarkë, ndërsa ka takuar kryeministren e këtij vendit, Mette Frederiksen.
Osmani thekson se në takim me kryeministren daneze e ka falënderuar për mbështetjen për anëtarësim në Këshill të Evropës.
Presidentja Osmani dhe kryeministrja Frederiksen diskutuan edhe për Presidencën daneze të Bashkimit Evropian vitin e ardhshëm, ku Presidentja shtroi nevojën që të ndërmerren hapa konkret sa i përket integrimit të Kosovës në BE, duke u bazuar në performancën dhe reformat e realizuara në Kosovë.
Presidentja Osmani po ashtu shprehu mirënjohjen e thellë për kontributin e mbi 13 mijë ushtarëve danez për paqen dhe sigurinë në Kosovë që nga viti 1999, ndaj bëri nderime tek Monumenti Kombëtar i Kujtesës së Danimarkës, ku presidentja u prit me nderime ushtarake. /Telegrafi/
The post Presidentja Osmani në Danimarkë takon kryeministren Frederiksen, merr mbështetje për anëtarësim në Këshill të Evropës first appeared on Radio Televizioni Iliria.
