Edhe pse shumë njerëz përtojnë të zgjohen herët për punë, studiuesit besojnë se puna në mëngjes është më e mirë për puna pasdite e në darkë.
Sipas New York Post, revista që publikoi studimin, përcaktoi një orar “standard” të punës si ai që “fillon pas orës 6 të mëngjesit dhe përfundon në orën 18:00”, në krahasim me një orar të parregullt që “fillon pas orës 14:00 dhe përfundon deri në mesnatë” .
Hulumtuesit studiuan 7,000 njerëz gjatë një periudhe 30 -vjeçare, nga mosha 22 deri në 50 vjeç, për të parë nëse zakonet e punës që lidhen me gjumin, shëndetin fizik dhe mendor preken te punonjësit deri në moshën 50 vjeç
Pse duhet evituar puna me turne?
Profesori Wen Jui Han i Universitetit të Nju Jorkut, i cili udhëhoqi studimin, zbuloi se njerëzit me orë pune jokonvencionale kishin më shumë probleme shëndetësore.
“Kjo është e arsyeshme. Njerëzit me modele pune me një shkallë të paqëndrueshmërisë dhe ndryshueshmërisë kishin më shumë gjasa të flinin më pak orë në ditë, të kishin cilësi më të dobët gjumi, funksionim më të keq fizik dhe mendor dhe raportonin shëndet të dobët dhe simptoma depresive në moshën 50 vjeç, krahasuar me njerëzit me një punë me orar fiks”, tha Han për Daily Mail.
Studiuesit zbuluan se kur të rinjtë që mbanin një orar të qëndrueshëm të punës u hodhën drejt një orari më të paqëndrueshëm të punës në të 30-at e tyre, kishte pasoja shqetësuese, duke përfshirë sëmundjet kardiovaskulare, ankthin dhe frikëra të tjera shëndetësore.
Problemet shëndetësore që rezultojnë nga privimi i rëndë i gjumit dhe cilësia e dobët e gjumit për shkak të orarit jo standard të punës klasifikohen si çrregullime të gjumit të punës me turne, vunë në dukje studiuesit .
