Të paktën 716 palestinezë, përfshirë 160 fëmijë, janë vrarë në sulmet e forcave izraelite dhe kolonëve izraelit që kanë uzurpuar tokat palestineze në Bregun Perëndimor të pushtuar dhe në Kudsin Lindor që nga 7 tetori 2023, transmeton Anadolu.
Në deklaratën me shkrim të Ministrisë së Shëndetësisë palestineze u dha informacioni mbi këtë temë.
Në deklaratë thuhet se janë vrarë 716 palestinezë, përfshirë 160 fëmijë dhe 10 gra ndërsa 5.750 persona u plagosën në sulmet e ushtarëve dhe kolonëve izraelitë që kanë uzurpuar tokat palestineze në Bregun Perëndimor dhe në Kudsin Lindor që nga 7 tetori 2023.
Që kur Izraeli filloi sulmet në Rripin e Gazës, ka patur rritje të ndalimeve, bastisjeve dhe sulmeve kundër palestinezëve në Bregun Perëndimor të pushtuar dhe Kudsin Lindor.
Në sulmet e Izraelit në Rripin e Gazës që nga 7 tetori 2023, janë vrarë 41.272 palestinezë ndërsa 95.551 të tjerë u plagosën.
