Presidenti turk Rexhep Tajip Erdogan është në avantazh për raundin e dytë të zgjedhjeve që do të mbahen në Turqi, sipas rezultateve të sondazhit të fundit të publikuar nga Konda, një nga institutet më të rëndësishme në vend.
Sipas të dhënave të mbledhura më 20 dhe 21 maji në një kampion prej 3607 personash në 34 provinca turke, Erdogan është përpara kandidatit të opozitës Kemal Kilicdaroglu me 52.7% të votave.
Gjatë raundit të parë të zgjedhjeve, të mbajtur më 14 maj, Konda kishte publikuar sondazhet sipas të cilave Kiliçdaroglu do të fitonte ndaj Erdoganit, por presidenti mori 49.5% të votave përkundrejt kandidatit përballë që mori rreth 45%.
