Kryeministri Albin Kurti ka reaguar ndaj vendimin të Gjykatës Kushtetuese për rrëzimin e Ligjit për Byronë Shtetërore për Verifikimin dhe Konfiskimin e Pasurisë së Pajustifikueshme, të cilën e ka quajtur vonesa në “ndjekjen e krimit” dhe në reformën e synuar nga ata në sistemin e drejtësisë, raporton Ekonomia Online.
Shefi i ekzekutivit, ka thënë se nga këto ligje ka dobi publike karshi pasurimit të pabazë, kriminal e individual, Kushtetuesja zgjo ndryshe.
“Kemi hartuar dhe miratuar Ligjin për Byronë për Konfiskimin e Pasurisë së Pajustifikueshme ashtu siç kemi miratuar edhe Ligjin për Këshillin Prokurorial të Kosovës, i cili në seancën e radhës do të votohet në leximit të dytë. Për më shumë prokurorë efikas dhe të pavarur nga politika e për një institucion të pavarur që do të kthente pasurinë e vjedhur. Të dy këto ligje si reforma thelbësore për sistemin e drejtësisë dhe luftimin e korrupsionit u konsultuan edhe me Komisionin e Venecias që i aprovoi të dy këto”, ka thënë Kurti.
“Megjithëkëtë, Gjykata Kushtetuese rrëzoi të dy ligjet, duke zgjedhur kësisoj të vonojë ndjekjen e krimit dhe ta vonojë reformën tonë. Me 5 vota për në raport me 4 vota kundër, Gjykata Kushtetuese ka gjetur se Kushtetuta është shkelur me ligjin për byronë për Konfiskimin e Pasurisë së Pajustifikueshme, duke treguar kështu se Kushtetuta ndryshe shihet nga gjysma e gjyqtarëve të Kushtetueses në raport me gjysmën tjetër”.
Më tej, ai ka përmendur edhe vendimin tjetër e Kushtetueses për shkarkimin e një anëtareje të OShP-së.
“Njëkohësisht, kjo gjykatë gjen që manipulimin në blerjen e insulinave dhe kësisoj rrezikim të shëndetit publik nuk është faj i anëtares së OSHP-së të shkarkuar nga Kuvendi me propozim të Qeverisë, sepse nuk ishte dëshmuar shkelje e etikes së punës si bazë për shkarkim. E rrezikimi i shëndetit publik dhe manipulimi me tendera milionësh për Gjyakytën Kushtetuese nuk është në kundërshtim me Kushtetutën”, ka thënë Kurti
The post Rrëzimi i Ligjit për Byronë, Kurti sulmon Kushtetuesen: Vonoi ndjekjen e krimit dhe reformën tonë first appeared on Radio Televizioni Iliria.
