Rusia është përmbajtur të komentojë propozimin e kryeministrit izraelit, Benjamin Netanyahu, për të krijuar një pakt të sigurisë në Lindjen e Mesme, të cilën ai e quajti si “Aleanca e Abrahamit”, transmeton Anadolu.
Në konferencën për media në përgjigje të një pyetjeje mbi iniciativën e kryeministrit izraelit, zëdhënësi i Kremlinit, Dmitry Peskov tha se “është e nevojshme të kuptohen detajet e arsyetimit të Netanyahut përpara se të konkludohet diçka”.
Gjatë një adresimi para seancës së përbashkët të Kongresit të SHBA-së, Netanyahu tha se një aleancë e tillë do të ishte një “zgjatje e natyrshme” e marrëveshjeve të normalizimit të njohura si “Marrëveshjet e Abrahamit” që Izraeli ndërmjetësoi me shtetet arabe gjatë administratës së ish-presidentit Donald Trump.
Duke ritheksuar nevojën për të kuptuar detajet e propozimit, më tej Peskov tha se NATO-ja “ka një orientim konfrontues të theksuar dhe sistematik”.
“A na duhen mekanizma konfrontuese në Lindjen e Mesme? Vështirë”, shtoi ai.
