Kryeministri britanik Rishi Sunak u ka kërkuar britanikëve me para’ të kufizuara që të mbajnë nervat me rritjen e normave të interesit, pasi theksoi se nuk ka alternativë tjetër për frenimin e inflacionit.
Kryeministri tha se “inflacioni është armiku”, ndërsa mbrojti vendimin e Bankës së Anglisë për të rritur normat e interesit në nivelin më të lartë 15-vjeçar javën e kaluar duke ngritur presionin mbi poseduesit e hipotekave.
Banka Qendrore lëshoi rritjen e saj të 13-të radhazi të normës së interesit, këtë herë me gjysmë pikë përqindjeje nga 4,5% në 5% në rritjen më të madhe që nga shkurti.
Rritja synon të ulë inflacionin, i cili mat normën e rritjes së çmimeve dhe mbeti në 8,7% në maj, pavarësisht përpjekjeve për ta zbutur atë.
Rritja e normave i bëri pronarët e hipotekave të përgatiten për një rritje të madhe në pagesat e tyre mujore.
Sunak tha se “Banka e Anglisë po bën gjënë e duhur. Banka e Anglisë ka mbështetjen time të plotë. Inflacioni është armiku për të gjitha arsyet për të cilat kemi folur. Inflacioni është ai që i bën njerëzit më të varfër”.
I pyetur nëse ka rrugë tjetër përveç rritjes së normave të interesit, kryeministri tha se “nuk ka alternativë për të ulur inflacionin. E kuptoj se kjo është sfiduese, por ne duhet t’i përmbahemi kursit. Unë dua që njerëzit të sigurohen se ne duhet të përmbajmë nervat” /atsh
