Ushtarët izraelitë janë filmuar duke hedhur nga çatia trupat e palestinezëve të vrarë në Bregun Perëndimor të pushtuar, transmeton Anadolu.
Ushtarët izraelitë bastisën dje qytetin Qabatiya të Jeninit, që ndodhet në veri të Bregut Perëndimor.
Tre palestinezë u vranë në sulmin e ushtarëve izraelitë që rrethuan një shtëpi gjatë bastisjes.
Sipas dëshmitarëve okularë, ushtarët izraelitë hodhën trupat e tre palestinezëve nga çatia e shtëpisë ku ndodheshin.
Në pamjet e përhapura në rrjetet sociale, tre ushtarë izraelitë shihen në çatinë e ndërtesës ku ndodhen kufomat e palestinezëve të vdekur.
Një pamje e filmuar me kamerë telefoni celular tregon një nga ushtarët duke shtyrë trupin e një prej palestinezëve të vdekur buzë çatisë. Më pas, trupi i këtij palestinezi hidhet me shqelma nga çatia nga ushtari izraelit.
Dëshmitarët okularë raportuan gjithashtu se trupat e palestinezëve u morën nga vendi i ngjarjes me buldozerë izraelitët.
Ushtarët izraelitë hedhin nga çatia trupat e palestinezëve të vrarë në Bregun Perëndimor https://t.co/L2Xa4VYJaG pic.twitter.com/0BCAjaD4As
— Anadolu Shqip (@aa_albanian) September 20, 2024
