Ushtria sudaneze ka ra dakord për një armëpushim të përkohshëm me forcat paraushtarake të Mbështetjes së Shpejtë (RSF), transmeton Anadolu.
“Forcat e Armatosura Sudaneze do të respektojnë armëpushimin për 24 orë duke filluar nga ora 18:00 me orën lokale, në përgjigje të thirrjeve nga komuniteti ndërkombëtar”, tha për CNN shefi i ushtrisë, gjenerali Abdel Fattah al-Burhan.
Sot, më herët, komandanti i RSF-së, Mohamed Hamdan Dagalo, tha se ai ra dakord për një armëpushim 24-orësh pasi bisedoi me sekretarin amerikan të shtetit, Antony Blinken.
“RSF-ja rikonfirmon miratimin e saj për një armëpushim 24-rësh për të garantuar kalimin e sigurt të civilëve dhe evakuimin e të plagosurve”, tha ai.
Në përgjigje, ushtria sudaneze fillimisht e hodhi poshtë idenë, duke theksuar se nuk ishte në dijeni të ndonjë koordinimi me ndërmjetësit ndërkombëtar për armëpushim.
“Thirrja për këtë armëpushim nga rebëlët për momentin synon të mbulojë disfatën e tyre të rëndë”, tha ushtria sudaneze.
Sipas një deklarate nga Departamenti i Shtetit të SHBA-së, Blinken zhvilloi biseda telefonike të ndara me gjeneralin al-Burhan dhe komandantin Dagalo.
“Blinken theksoi urgjencën e arritjes së një armëpushimi për të mundësuar dhënien e ndihmës humanitare dhe për të lejuar bashkësinë ndërkombëtare në kryeqytetin Khartoum të sugurohet që prania e saj të jetë e sigurt”, tha Departamenti i Shtetit.
Përleshtjet e armatosura midis ushtrisë sudaneze dhe luftëtarëve të RSF-së filluan të shtunën në kryeqytetin Khartoum dhe zonat përreth.
Sipas shifrave të Kombeve të Bashkuara (OKB), në dhunën e vazhdueshme mbi 180 njerëz janë vrarë dhe të paktën 1.800 të tjerë janë plagosur.
Një mosmarrëveshje midis dy rivalëve ushtarakë për reformën ushtarake dhe të sigurisë, e cila parashikon pjesëmarrjen e plotë të RSF-së në ushtri, është kthyer në konflikt muajve të fundit.
Sudani ka qenë pa një qeveri funksionale që nga tetori i vitit 2021, kur ushtria shkarkoi qeverinë kalimtare të kryeministrit Abdalla Hamdok dhe shpalli gjendje të jashtëzakonshme, një lëvizje e cilësuar nga forcat politike si një “grusht shtet”.
Periudha kalimtare e Sudanit, e cila filloi në muajin gusht të vitit 2019, ishte planifikuar të përfundojë me zgjedhjet në fillim të vitit 2024.
