Ministria e Financave të Ukrainës raportoi se 13.8 miliardë dollarë mbështetje janë marrë nga vendet perëndimore në gjysmën e parë të vitit, transmeton Anadolu.
Në deklaratën me shkrim të Ministrisë së Financave të Ukrainës thuhet se 20.2 miliardë dollarë burime janë përdorur për buxhetin e Ukrainës në gjysmën e parë të këtij viti.
Në deklaratë thuhet se burimet janë siguruar kryesisht nga Bashkimi Evropian, Japonia, Kanadaja dhe Fondi Monetar Ndërkombëtar (FMN) dhe se mbështetja në këtë periudhë ka arritur në 13.8 miliardë dollarë.
Ministria më 30 maj raportoi se 85.4 miliardë dollarë mbështetje ishin marrë nga vendet perëndimore që nga shkurti i vitit 2022, kur filloi lufta me Rusinë.
Buxheti i vendit pritet të ketë deficit prej 43.5 miliardë dollarësh këtë vit.
