Presidenti serb, Alekandër Vuçiq, ka ironizuar me kryeministrin e Kosovës, Albin Kurti, lidhur me kthimin e targave serbe në RKS.
Vuçiqi ka thënë të shtunën në një konferencë për media, se Kurtit po i ecën aq mirë ky proces, saqë nga 9,000 vetura, vetëm nëntë i kanë kthyer në RKS.
“Sa për negociatat dhe bisedime nuk e di se a do të ketë, shoh që riregjistrimi po ju shkon shumë mirë, serbët dëgjuan zërin e ëmbël të Albin Kurtit, 9 prej tyre kanë aplikuar për ndërrimin e targave prej 9,000 automjeteve, çdo 1000, pra mirë ju ka ec deri tani. Kaq sa për besimin e serbëve në Albin Kurtin dhe institucionet e tyre”, ka thënë Vuçiq.
Ai ka thënë po ashtu se i duhet ta pranojë për herë të parë që Serbia bëri gabimin më të madh që e dërgoi pavarësinë e Kosovës në Gjykatën Ndërkombëtare të Drejtësisë (GJND), e cila i dha Kosovës të drejtë.
