Të paktën 40 palestinezë të tjerë u vranë në sulmet izraelite në Rripin e Gazës, duke e rritur numrin e të vdekurve që nga 7 tetori i kaluar në 40.005, tha të enjten ministria e Shëndetësisë në Gaza.
Një njoftimin e ministrisë thuhet se rreth 92.401 të tjerë janë plagosur në ofensivën 10-mujore.
“Forcat izraelite vranë 40 persona dhe plagosën 107 të tjerë në tri ‘masakra’ të familjeve në 24 orët e fundit”, tha ministria.
“Shumë njerëz janë ende të bllokuar nën rrënoja dhe në rrugë pasi shpëtimtarët nuk janë në gjendje t’i arrijnë ata”, shtoi ai.
Duke shpërfillur një rezolutë të Këshillit të Sigurimit të OKB-së që kërkon një armëpushim të menjëhershëm, Izraeli është përballur me dënimin ndërkombëtar në mes të ofensivës së tij brutale të vazhdueshme në Gaza që nga një sulm i 7 tetorit 2023 nga grupi palestinez Hamas.
Mbi 10 muaj nga lufta izraelite, pjesë të mëdha të Gazës qëndrojnë në gërmadha mes një bllokade gjymtuese të ushqimit, ujit të pastër dhe ilaçeve.
Izraeli akuzohet për gjenocid në Gjykatën Ndërkombëtare të Drejtësisë (GjND), e cila e urdhëroi atë që të ndalojë menjëherë operacionin e tij ushtarak në qytetin jugor të Rafahut, ku më shumë se një milion palestinezë kishin kërkuar strehim nga lufta përpara se të pushtohej më 6 maj.
The post Zyrtarisht mbi 40.000 palestinezë të vrarë në Gaza nga sulmet izraelite first appeared on Radio Televizioni Iliria.
