Trupat e 80 palestinezëve të familjes Salim, të nxjerrë nga rrënojat e një ndërtese 5-katëshe të goditur nga ushtria izraelite u dërguan në morgun e spitalit Al-Shifa në Gaza për varrim gati një vit e gjysmë më vonë, raporton Anadolu.
Ndërtesa thuhet se strehonte mbi 100 persona në kohën e sulmit. Pas tre ditësh përpjekjesh për rikuperim, lutjet mortore u mbajtën për viktimat në spitalin Al-Shifa.
Trupat u varrosën më vonë në një varr masiv në Deri al-Balah.
Sipas të dhënave të fundit nga zyra për media e qeverisë së Gazës, sulmet izraelite rezultuan në shkatërrimin e plotë të 268 mijë njësive të banimit, me 148 mijë të dëmtuara rëndë përtej kushteve të banimit dhe 153 mijë të dëmtuara pjesërisht.
Marrëveshja për armëpushim e ndërmjetësuar midis Hamasit dhe Izraelit më 10 tetor të vitit të kaluar ndaloi operacionet ushtarake në shkallë të gjerë. Megjithatë, raportet tregojnë se Izraeli vazhdon shkatërrimet në zonat nën kontrollin e tij. Ushtria izraelite akuzohet për qindra shkelje të marrëveshjes, përfshirë bombardime dhe vrasje.
