Kryeministri izraelit Benjamin Netanyahu u takua me Jared Kushner, dhëndrin e presidentit të SHBA-së Donald Trump, për të diskutuar mbi armëpushimin e arritur në Rripin e Gazës më 10 tetor, transmeton Anadolu.
Në një deklaratë me shkrim nga Zyra për media e kryeministrit thuhet se takimi midis Netanyahut dhe Kushnerit filloi në zyrën e kryeministrit izraelit në Kudsin Perëndimor.
Nuk janë publikuar detaje lidhur me përmbajtjen e takimit, në të cilin mori pjesë edhe ministri izraelit për Çështjet Strategjike, Ron Dermer.
Ndërkohë, në lajmet e mediave lokale u raportua se pritet të diskutohet procesi i armëpushimit në Gaza, i cili ka hyrë në muajin e dytë. Dhëndri i Trumpit, Kushner po zhvillon vizitën e tij të dytë në Izrael që nga fillimi i armëpushimit më 10 tetor.
Kushner vizitoi Izraelin me përfaqësuesin special të Trumpit për Lindjen e Mesme, Steve Witkoff, pas armëpushimit të 10 tetorit.
