Stuhia e fortë dimërore ka goditur dy të tretat lindore të Shteteve të Bashkuara, duke lënë rreth 1 milion njerëz pa energji elektrike dhe duke detyruar anulimin e mbi 10 mijë fluturimeve.
Autoritetet njoftuan se ndërprerjet e energjisë po rriteshin vazhdimisht të dielën, teksa reshje dëbore, shi i ngrirë, breshër dhe temperatura jashtëzakonisht të ulëta përfshinë shumë shtete.
Kushtet e rënda atmosferike kanë shkaktuar probleme serioze në transport, me aeroporte të shumta që kanë pezulluar ose vonuar fluturimet, ndërsa rrugët janë bërë të rrezikshme për qarkullim.
Shërbimet emergjente janë vënë në gatishmëri të lartë, ndërsa autoritetet u kanë bërë thirrje qytetarëve të shmangin udhëtimet e panevojshme dhe të ndjekin udhëzimet e sigurisë për shkak të të ftohtit ekstrem. /mesazhi
