Gjysmëhëna e Kuqe iraniane ka njoftuar se më shumë se 36,500 objekte civile janë dëmtuar në mbarë Iranin që nga fillimi i sulmeve të përbashkëta nga SHBA dhe Izraeli.
Sipas organizatës humanitare, shumica e objekteve të dëmtuara janë ndërtesa banimi dhe qendra që ofrojnë shërbime publike.
Gjysmëhëna e Kuqe iraniane theksoi se dëmet janë përhapur në shumë zona të vendit, ndërsa ekipet e emergjencës po vazhdojnë punën për të vlerësuar situatën dhe për të ndihmuar të prekurit nga sulmet.
