Me 90 vota për, asnjë kundër dhe asnjë abstenim, Kuvendi i Kosovës ka miratuar rezolutën e propozuar nga Partia Demokratike e Kosovës, e cila synon mbrojtjen e viktimave dhe garantimin e së vërtetës historike për luftën e vitit 1998-1999.
Rezoluta përfshin edhe një pikë për iniciimin e dënimit të personave që mohojnë ose minimizojnë krimet e kryera nga forcat serbe gjatë konfliktit.
Propozimi i saj erdhi pas një ekspozite në sheshin e Prishtinës, e cila prezantoi të dhëna të pasakta rreth masakrave në Kosovë.
