Kur një kirurg zemre flet për çfarë shmang në jetën e përditshme, ia vlen të lexosh.
Jeremy London, i specializuar në kirurgji të përgjithshme, vaskulare dhe torakale, ka ndarë në rrjetet sociale katër gjëra që, sipas tij, nuk duhen prekur fare nëse kujdesesh për shëndetin.
1. Duhani: Për të, duhani është pa diskutim zgjedhja më e keqe që mund t’i bësh trupit. Dëmton mushkëritë, rrit rrezikun për kancer, sëmundje kardiovaskulare, infarkte dhe goditje në tru. Mesazhi i tij është i drejtpërdrejtë: mos pini duhan.
3. Pijet e gazuara: Këtu përdor një shprehje që nuk kalon pa u vënë re: “vdekje e lëngshme”. Sipas tij, këto pije duhen shmangur plotësisht. Më vonë sqaroi se përdori një gjuhë kaq të fortë për të tërhequr vëmendjen ndaj një problemi real: sasia e madhe e kalorive dhe sheqerit që njerëzit konsumojnë pa e kuptuar.
Ky qëndrim mbështetet edhe nga mjekë të tjerë. Konsumi i lartë i pijeve të gazuara lidhet me sëmundje metabolike, probleme kardiovaskulare dhe rritje të rrezikut për kancer. Sipas mjekëve, nuk është vetëm sheqeri problemi, por edhe përzierja e ngjyruesve, aromatizuesve dhe konservuesve që krijojnë një ekspozim të vazhdueshëm në trup.
4. Bukë dhe makarona me miell të rafinuar: Këshilla është e qartë: shmangni produktet me miell të rafinuar. Sipas tij, kontrolli i peshës varet 80% nga ushqimi dhe vetëm 20% nga aktiviteti fizik. Me fjalë të tjera, mund ta “prishësh” çdo stërvitje nëse ushqimi nuk është i balancuar.
Në fund, lista nuk është e komplikuar, por është shumë më e vështirë për t’u ndjekur në praktikë sepse pikërisht këto katër gjëra janë ndër më të zakonshmet në përditshmërinë e jo pak njerëzve.
