Sulme vandalësh kundër një besimi me bazë pastërtinë: të mendjes, shpirtit e trupit
Një incident serioz dhe shqetësues ndodhi në qytetin gjerman të Memmingen-it, në të cilin objektivi i sulmit ishte një xhami që i përkiste komunitetit turk.
Individë të panjohur përdhosën një ndërtesë fetare duke e spërkatur atë me gjak të dyshuar kafshësh dhe duke lënë një kokë derri në hyrje.
Sipas informacionit nga policia e Schwaben-it me seli në Kempten, sulmuesit hodhën tullumbace të mbushura me një lëng që i ngjante gjakut të kafshëve në ndërtesën e xhamisë. Përveç kësaj, një kokë derri u vendos përpara hyrjes, dhe gjithashtu u ngjit në një gjysmëhënë në murin e ndërtesës, gjë që e bën këtë akt edhe më provokues dhe simbolikisht ofendues.
Incidenti ndodhi të premten, më 1 maj, në orët e para të mëngjesit. Për shkak të sfondit të mundshëm ekstremist të rastit, hetimi u mor menjëherë përsipër nga Departamenti i Sigurisë Shtetërore.
Policia u bëri thirrje qytetarëve të paraqiten nëse vënë re ndonjë person ose automjet të dyshimtë pranë xhamisë natën e sulmit, pasi dëshmitarët mund të ndihmonin në identifikimin e autorëve.
Pas përfundimit të hetimit, zjarrfikësit dhe punonjësit e administratës së qytetit të Memmingen shkuan në terren për të pastruar zonën e hyrjes së xhamisë, e cila ishte e ndotur, si dhe stacionin e pakove aty pranë, i cili u prek gjithashtu nga ky akt vandalizmi.
Hetimi është duke vazhduar dhe policia nuk përjashton asnjë motiv për momentin, përfshirë mundësinë e një sulmi me motive politike ose fetare.
Ndodh ky incident teksa komunitetet muslimane nuk përbëjnë asnjë problem për shtetin gjerman, çfarëdoqofshin ato etnikisht. Kujtojmë se komunitetet turke janë të hershme në Gjermani, që në vitet ‘60-‘70. /tesheshi
