Administrata e Donald Trump ka vendosur të tërheqë rreth 5,000 trupa amerikane nga Gjermania, sipas zyrtarëve të Pentagonit.
Tërheqja përfshin një brigadë luftarake dhe njësi të tjera të vendosura në territorin gjerman. Megjithatë, baza të rëndësishme mjekësore, si ajo në Landstuhl, nuk pritet të preken nga ky vendim.
Ky hap vjen pas tensioneve mes Trump dhe kancelarit gjerman Friedrich Merz, i cili kishte kritikuar qëndrimin amerikan lidhur me luftën me Iranin. Vendimi reflekton gjithashtu pakënaqësinë e Uashingtonit ndaj aleatëve evropianë, të cilët sipas administratës amerikane nuk kanë kontribuar mjaftueshëm.
“Evropianët nuk kanë bërë sa duhet kur Amerika kishte nevojë. Kjo nuk mund të jetë një rrugë njëkahëshe,” tha një zyrtar i lartë i Pentagonit. /mesazhi
