Rusia dhe Ukraina kryen të premten një tjetër shkëmbim të të burgosurve, ku secila palë ktheu 160 të burgosur lufte, thanë zyrtarë nga të dy vendet, transmeton Anadolu.
Shkëmbimi u njoftua fillimisht nga Ministria ruse e Mbrojtjes, e cila tha se ushtarakët rusë të kthyer janë aktualisht në Bjellorusinë fqinje.
“Personeli ushtarak rus i kthyer ndodhet aktualisht në Republikën e Bjellorusisë, ku komisionerja ruse për të drejtat e njeriut, Yana Lantratova, po punon me ta”, tha ministria në një deklaratë.
Ajo shtoi se Emiratet e Bashkuara Arabe lehtësuan shkëmbimin përmes përpjekjeve ndërmjetësuese.
Duke konfirmuar shkëmbimin, presidenti ukrainas Volodymyr Zelenskyy tha në X: “Ne vazhdojmë t’i sjellim ukrainasit në shtëpi nga robëria ruse. Sot, 160 pjesëtarë të shërbimit u liruan nga robëria. Të gjithë ata ishin mbajtur rob që nga viti 2022”.
