Ish-kryeministri i Izraelit dhe lideri i Partisë Bashkë, Naftali Bennett, tha se Izraeli është një markë me imazh negativ në opinionin publik amerikan, duke deklaruar se kur përmendet Izraeli, njerëzve u vijnë në mendje “gjenocidi” dhe “vrasësit e foshnjave”, transmeton Anadolu.
Bennett, i ftuar në podcastin e gazetarit izraelit Itay Segal, tha se Izraeli po përjeton ditët e tij më të këqija në opinionin publik amerikan që nga themelimi i tij.
“Nëse e pyesni një student amerikan ‘Çfarë ju vjen në mendje kur thoni Izrael?’, ata thonë ‘gjenocid’. Kjo është situata. Nëse thoni Itali, ‘makarona, spageti’; nëse thoni Izrael, ‘vrasës të foshnjave’. Kjo është situata”, tha Bennett.
Duke deklaruar se mbështet dhënien e amnistisë për kryeministrin izraelit, Benjamin Netanyahu, në proceset e vazhdueshme për korrupsion, në këmbim të tërheqjes së tij nga politika, Bennett tha për Netanyahun: “Ai nuk është më një hebre i ri, nuk dua ta shoh me një uniformë portokalli”.
