Pse Rama nuk sjell asnjë referencë ekonomike nga bota për investime të ngjashme?!
Narrativa e Ramës njihet tashmë për të ushqyer mite, gati për gjithçka. Që do të thotë se më shumë se puna te ai gjenialitet është fjala, sigurisht pa dobi, e papërputhshme kurrë me rezultatin e punës. Ndër mitet më të fundit që e ushqen kohët e fundit është ai i katër miliardë eurove që do sjell investimi në Zvërnec.
Duke qëndruar vetëm te aspekti ekonomik, krahasueshmërsht ngjan me “çekun e bardhë” të viteve ’90, ushqyer atë kohë nga PD-ja, si një karem për vota në nisje të pluralizimit. Vitet që pasuan treguan se nuk ishte veçse një mit, i cili bëri të dukeshin naivë të gjithë ata që e besuan. Por thelbësisht, ajo që mungon në shifrën katër miliard është refenreca, shembulli se ku një investim i ngjashëm mbrothësoi ekonomitë e vendit ku është ndërtuar.
Në nisje të këtij debati, Rama sillte gati çdo dite modele ndërtimi resortesh të ngjashme në botë, por pa referencë ekonomike. Dhe kur mungon një e tillë, je i dështuar pa nisur, ngase je i pabesueshëm. Por tej ekonomisë, çdokush me dy pare mend në kokë duhet ta ketë të qartë se si Zvërneci e si Sazani, më shumë se resorte turistike janë enklava gjeopolitike. Më saktë, izraelite. Sepse tashmë nuk kemi të bëjmë me kryeministrin e Shqipërisë Edi Rama por me guvernatorin e Izrelit në Shqipëri, Edi Rama. Ka qenë i tillë duke mbajtur një maskë apo u bë rrugës, kjo është tjetër çështje. /tesheshi
