Ministri i Jashtëm iranian Abbas Araghchi i tha Sekretarit të Përgjithshëm të OKB-së, Antonio Guterres, se Irani nuk do të heqë dorë nga kërkesa për drejtësi dhe përgjegjësi për “krimet e luftës” që Teherani ia atribuon SHBA-së dhe Izraelit.
Sipas agjencisë iraniane Tasnim, Araghchi tha se populli iranian do të vazhdojë të kërkojë ndëshkimin e përgjegjësve.
Guterres u bëri thirrje Teheranit dhe Uashingtonit të vazhdojnë përpjekjet diplomatike për t’i dhënë fund konfliktit dhe për të arritur paqen. Araghchi, ndërkohë, akuzoi SHBA-në se ka dështuar disa herë ndaj diplomacisë gjatë dekadës së fundit. /mesazhi
