Emisari i Bashkimit Evropian për dialogun mes Kosovës dhe Serbi, Miroslav Lajçak, ka thënë se samiti i BE-së do të krijoj zhgënjim të madh në rajonin e Ballkanit Perëndimor.
Arsyeja për këtë është se në samitin e BE-së pritej që të merreshin vendime si ajo për liberalizimin e vizave për Kosovën por edhe hapja e negociatave për Shqipërinë, vendime të cilat nuk u morën.
Lajçak, përmes një postimi në Twitter, ka shtuar se ai është krenar për udhëheqjen evropiane në Lindje por që kjo duhet të bëhet edhe për, siç ka thënë ai, fqinjët tanë juglindor.
“Ne morëm një vendim gjeopolitik për Evropën Lindore, por nuk mund të kemi të njëjtin këndvështrim strategjik për Ballkanin Perëndimor. Kjo gjeneron zhgënjim të thellë në rajon. Jam krenar për udhëheqjen tonë europiane në Lindje, por ne duhet ta rifitojmë atë për fqinjët tanë juglindorë”, ka shkruar Lajçak sot në Twitter.
