Suedia dhe Finlanda nuk kanë përmbushur ende kushtet që Turqia ka vendosur në këmbim të mbështetjes së kandidaturës së tyre në NATO.
“Këto dy vende duhet të mbajnë premtimet e tyre dhe të respektojnë nenet e memorandumit të mirëkuptimit, deri më tani nuk kemi parë asnjë hap në këtë drejtim”, tha ministri i Jashtëm turk, Mevlut Çavusoglu në një intervistë për kanalin Tv100.
Në samitin e fundit të NATO-s në Madrid, Turqia mbështeti kandidaturën e Suedisë dhe Finlandës në Aleancë në këmbim të një distancimi nga vendet skandinave nga grupet e konsideruara terroriste nga Ankaraja dhe ekstradimin e disa militantëve të dyshuar.
“Aktualisht, parlamentet e vendeve anëtare të NATO-s po ratifikojnë protokollet e anëtarësimit për Helsinkin dhe Stokholmin, por Turqia nuk e ka dërguar ende dokumentin në Asamble sepse pret që të dy vendet të respektojnë marrëveshjen e arritur në Madrid”, tha Çavushoglu. /atsh
