Në Greqi këtë javë pritet të mbizotërojnë temperatura të larta, të cilat do të zgjasin disa ditë, sipas të dhënave të fundit të parashikimit të Observatorit Kombëtar të Athinës dhe faqes së specializuar të meteorologjisë meteo.gr.
Vala e të nxehtit pritet të arrijë kulmin ditën e premte dhe të shtunë, ku temperaturat në vende të caktuara pritet të arrijnë 41-42 gradë Celsius.
Në të njëjtën kohë, bazuar në të dhënat më të fundit të parashikimit, të disponueshme dhe të analizuara nga flame/meteo.gr, niveli i zjarreve në pyje pritet të shfaqë një rritje të ndjeshme gjatë së njëjtës periudhë kohore.
Arsyeja për këtë rritje është rritja graduale e temperaturës e kombinuar me mbizotërimin e kushteve të thatësirës.
