Së paku 94 persona kanë vdekur në luftimet në kufirin Kirgistan – Taxhikistan, raporton BBC. Janë luftimet më vdekjeprurëse mes dy vendeve për vite.
Luftimet mes dy shteteve të Azisë Qendrore nisën të mërkurën, para se të arrihej një marrëveshje për armëpushim të premten.
Rregullisht shpërthejnë luftime mes dy republikave ish-Sovjektike, kufiri i të cilave mbetet ende i kontestuar.
Presidenti i Rusisë, Vladimir Putin, kishte apeluar te dy shtetet që t’i zgjidhin mosmarrëveshjet e tyre në mënyrë paqësore.
Taxhikistani dhe Kirgistani ndajnë një kufi rreth 1000 kilometra, një e treta e të cilit kontestohet.
Përplasjet në kufi ka çuar te luftime të paprecedent mes dy shteteve në vitin 2021, duke shkaktuar vdekjen e afro 50 personave. Por, dhuna në ditët e fundit ka çuar deri në 100 vdekje.
Të dielën, Kirgistani ka raportuar për 13 të vdekur tjerë nga luftimet, duke e çuar shifrën totale në 59. Ka shtuar se më tepër se 100 persona janë lënduar.
Taxhikistani ka njoftuar për 35 qytetarë të vdekur, dhe së paku 20 të lënduar.
Nën presionin e ndërkombëtarëve, dy palët kanë nënshkruar marrëveshje armëpushimi të premten. /koha
