Presidenti i Republikës së Turqisë, Recep Tayyip Erdoğan deklaroi sot se vendi do të përfundojë një brez sigurie 30 kilometra të thellë përgjatë kufirit të saj jugor, raporton Anadolu Agency (AA).
Duke folur në një takim në provincën jugore të Sanliurfa-s, Erdoğan tha se sulmet nuk do ta pengojnë vendin nga qëndrimi i tij i vendosur për sigurimin e kufirit jugor.
“Do të përfundojmë brezin e sigurisë 30 kilometra të thellë që po vendosim përgjatë kufijve tanë jugorë. Sulmet nuk do ta pakësojnë vendosmërinë tonë”, tha Erdoğan.
Që nga viti 2016, Ankaraja ka kryer tre operacione të suksesshme antiterroriste në shkallë të gjerë në veri të Sirisë për të parandaluar formimin e një korridori terrorist dhe për të mundësuar vendosjen paqësore të banorëve. “Mburoja e Eufratit” (2016), “Dega e Ullirit” (2018) dhe “Burimi i Paqes” (2019) janë operacionet në të cilat një zonë më e gjerë përgjatë brezit kufitar në veri të Sirisë u çlirua nga pushtimi terrorist.
Në fushatën e saj terroriste më shumë se 35-vjeçare kundër Turqisë, PKK, e cila renditet si një organizatë terroriste nga Turqia, SHBA dhe Bashkimi Evropian, është përgjegjëse për vdekjen e më shumë se 40 mijë njerëzve, përfshirë gra, fëmijë dhe të moshuar. YPG është dega siriane e kësaj organizate terroriste.
Şanlıurfa’dayız. https://t.co/xkWnLw3pv5
— Recep Tayyip Erdoğan (@RTErdogan) December 3, 2022
