Autoritetet bavareze kanë hequr rregullin për mbajtjen e maskave mbrojtëse në transportin publik, më shumë se dy vjet pas prezantimit të rregullores për parandalimin e përhapjes së koronavirusit.
Vendimi për të lehtësuar rregullin që nga e shtuna u mor nga qeveria e landit, pasi zyrtarët konfirmuan se spitalet aktualisht po trajtojnë më shpesh, sëmundje të tjera virale sesa Covid-19.
Në landin e Saksonisë-Anhalt, detyrimi për të mbajtur maska në transportin publik u hoq të enjten.
Ministri i Shëndetësisë i Bavarisë, Klaus Holetschek tha se Akti Federal për Mbrojtjen e Infeksionit nuk parashikonte detyrimin për vendosjen e maskave për të luftuar patogjenët e rregullt sezonal si, gripi.
Rregullorja e re do të zbatohet deri më 20 janar 2023.
Lehtësimi i rregullave të Covid-19 në Bavari nuk e ndryshon faktin që banorëve u kërkohet ende të mbajnë maska në transportin në distanca të gjata, një rregull i vendosur në mbarë vendin, në bazë të ligjit federal. /atsh
