Njoftojmë kolegët, miqtë dhe opinionin e gjerë, se sot, më 23 dhjetor 2022, ndërroi jetë imami Abdija ef. Kuljici, nga Manastirica e Prizrenit. Varrimi i rahmetliut do të bëhet nesër, e shtunë, më 24 dhjetor 2022, në kohën e ikindisë, në vendlindje.
Allahu e mëshiroftë dhe e shpërbleftë me Xhenet!
Biografi e shkurtër
Abdija ef. Kuljici lindi më 10 janar 1974 në fshatin Manastiricë të Prizrenit. Shkollën fillore e kreu në vendlindje, për të vazhduar më pas të mesmen në Medresenë “Alauddin” në Prishtinë, të cilën e përfundoi në vitin 1993.
Prej vitit 1994 e deri në fund të jetës, afër 29 vjet, shërbeu si imam, hatib dhe mualim në xhaminë e fshatit, në vendlindje.
