Për shkak të thatësirës më shumë se 4 milionë njerëz në Kenia kanë nevojë për ndihmë urgjente ushqimore, transmeton Anadolu Agency (AA).
Sekretarja e Kabinetit të Qeverisë së Kenias, përgjegjëse për Komunitetin e Afrikës Lindore, Rebecca Miano, në një deklaratë tha se thatësira në vend ndikoi negativisht në aksesin në ushqim.
Miano njoftoi se mbi 4 milionë njerëz në vend kanë nevojë për ndihmë ushqimore për shkak të thatësirës.
Duke theksuar se shumë rajone të vendit janë të prekura nga thatësira, Miano deklaroi se kohëzgjatja e shkurtër e reshjeve të shirave ka përkeqësuar situatën e krizës ushqimore.
Miano shtoi se janë në bashkëpunim me institucione të ndryshme për të luftuar krizën ushqimore.
Më shumë se 36 milionë njerëz në vendet e Bririt të Afrikës, Kenia, Somali dhe Etiopi janë prekur negativisht nga thatësira.
#Kenya: Across Turkana County, livestock have been dying at alarming rates & farmers are reeling from successive poor harvests caused by a historic drought. This is driving surging hunger. Take a look at what we saw during a recent visit & what we’re doing to help. pic.twitter.com/MO3xkP1Ih9
— USAID’s Bureau for Humanitarian Assistance (@USAIDSavesLives) January 7, 2023
