Presidenti bullgar, Rumen Radev, i dha Partisë Socialiste mandatin për të formuar qeveri të re në përpjekjen e fundit për të shmangur zgjedhjet e pesta të përgjithshme të vendit në dy vjet.
Megjithëse shanset për suksesin e socialistëve janë të zbehta, udhëheqësja e saj, Kornelia Ninova ka theksuar se partia e saj kishte treguar se mund të punonte me përgjegjësi ndaj “interesit kombëtar” të Bullgarisë.
Lëvizja vjen pasi dy grupet kryesore në parlament – partia e qendrës së djathtë GERB dhe partia reformiste “Ne e vazhdojmë ndryshimin” nuk arritën të gjenin mbështetje të mjaftueshme për një koalicion për t’i dhënë fund krizës së fundit politike të Bashkimit Evropian dhe anëtarit të NATO-s.
Ndryshe nga dy mandatet e para që u jepen grupeve më të forta, i treti shkon për një grup parlamentar të zgjedhur nga presidenti.
Por socialistët, të cilët përfunduan në vendin e pestë në zgjedhjet e 2 tetorit, do të përballen me një betejë të vështirë pasi GERB dhe Bullgaria Demokratike kanë njoftuar tashmë se nuk do të mbështesin një qeveri të udhëhequr nga socialistët, kryesisht sepse socialistët mbeten pro-rusë dhe kanë votuar në mënyrë të përsëritur kundër ndihmës për Ukrainën. /koha
