Në katër shkolla të Skenderajt, nesër nuk do të mbahet mësim.
Kjo si pasojë e vërshimeve të cilat kanë lënë dëme të mëdha në komunën e Skenderajt.
Kjo është bërë e ditur nga Drejtori i Arsimit në Skenderaj, Kastriot Duraku.
“Mësimi nuk do të mbahet në shkollat: Gjimnazi “Hamëz Jashari”, ShMLP “Anton Çetta”, Shfmu “Ismet Rrahmani” Aqarevë dhe Shfmu “Bashkim Sadiku” në Tushilë, të cilat për shkak të dëmeve të mëdha nga përmbytjet nuk kemi arritur ende t’i kthejmë në gjendje normale”, ka shkruar Duraku në Facebook.
Ndërsa sipas njoftimit në shkollat e tjera do të mbahet mësimi i rregullt.
