Mustafa Barghouti, sekretari i përgjithshëm i Iniciativës Kombëtare Palestineze, e quajti dhunën e fundit në Xhaminë Al-Aksa një “provokim shumë serioz që patjetër do të çojë në një përshkallëzim”.
“Dhe ndoshta kjo është ajo që dëshiron qeveria izraelite,” i tha ai Al Jazeeras. “Ata duan të largojnë vëmendjen nga përçarjet e tyre të brendshme, nga demonstratat që po zhvillohen brenda Izraelit kundër kësaj qeverie dhe duan ta tërheqin të gjithë këtë rajon në një shpërthim”.
Barghouti fajësoi dhunën, pjesërisht, me emërimin e Itamar Ben-Gvir si ministër të sigurisë kombëtare të Izraelit: “Kjo qeveri izraelite po përdor fenë për kauza nacionaliste”.
“Është e paprecedentë që xhamia të sulmohej dy herë në të njëjtën ditë, të lëndoheshin njerëz, të sulmoheshin të moshuarit, fëmijët, gratë në mëngjes. Dhe tani pengimi i ekipeve mjekësore që t’i arrijnë ata, “tha ai.
