Në më pak se një vit në Austri janë kapur 700 të dyshuar për trafikim me qenie njerëzore.
Personat u arrestuan përgjatë periudhës maj 2022-mars 2023 dhe Ministri i Brendshëm austriak Gerhard Karner ka njoftuar se kjo përbën një luftë kundër migracionit të paligjshëm.
Sipas ministrit të brendshëm organizatat kriminale abuzuan me situatën e krijuar nga lufta në Ukrainë duke krijuar kështu edhe një rritje të numrit të personave që hynë ilegalisht në Austri bëjnë me dije mediat austriake.
Karner është shprehur se sistemi i “zonës Shengen” nuk funksionon mjaftueshëm dhe ka kërkuar që të merren të gjitha masat konform ligjeve për gjykimin e personave të dyshuar për trafikim me qenie njerëzore dhe krim të organizuar.
Tutje, ministri i Brenshëm i AustrisëKarner tha se duhet thelluar bashkëpunimi ndërkombëtarë për të luftuar migracionin ilegal, shkruajnë mediat austriake. /albinfo
