Nëse autoritetet suedeze janë serioze për shqetësimet e Turqisë në lidhje me hyrjen e Stokholmit në NATO, ato duhet të marrin masa kundër anëtarëve të PKK (Partia e Punëtorëve e Kurdistanit), e konsideruar terroriste nga Ankaraja, deklaroi Fahrettin Altun, zëdhënësi i presidentit turk, Recep Tayyip Erdogan.
”Stokholmi ka aplikuar për të qenë pjesë e NATO-s dhe është krejtësisht e papranueshme që terroristët e PKK-së të vazhdojnë të veprojnë lirshëm në Suedi”, theksoi ai.
Altun shpresonte se “ligji i ri kundër terrorizmit i miratuar nga Stokholmi, i cili hyn në fuqi më 1 qershor, do të zbatohej siç duhet”.
Turqia është i vetmi vend anëtar i Aleancës Atlantike, së bashku me Hungarinë, që nuk ka ratifikuar ende protokollet e anëtarësimit të Stokholmit në NATO dhe i ka kërkuar Suedisë të ekstradojë dhjetëra terroristë të dyshuar nga Ankaraja. /atsh
