Nuk ka pasur kurrë një kohë më të rëndësishme që Skocia të bëhet e pavarur, deklaroi Humza Yousaf, i cili mban postin e shefit të qeverisë skoceze.
Yousaf po fliste përpara se të dilte në rrugët e zonës së tij elektorale në Glasgow Pollok të shtunën, teksa përpiqej të theksonte argumentin ekonomik për pavarësinë – që shpesh shihet si një nga elementet më të vështira për lëvizjen e ashtuquajtur ”Po”.
Ai tha se “nuk ka pasur kurrë një kohë më të rëndësishme për popullin e Skocisë për të kapur mundësitë e pavarësisë dhe për të shpëtuar nga Westminsteri. Sistemi aktual politik në Mbretërinë e Bashkuar është thyer dhe nuk ka arritur të mbështesë njerëzit në Skoci”, tha ai.
”Përveç dëmit që shkaktohet nga politikat mizore të Westminsterit, konservatorët po minojnë parlamentin skocez”, theksoi Yousaf. /atsh
