Aleatët e NATO-s kanë mirëpritur marrëveshjen midis presidentit turk, Recep Tayyip Erdoğan dhe kryeministrit suedez, Ulf Kristersson, që i hapi rrugën anëtarësimit të vendit nordik në aleancën ushtarake, transmeton Anadolu.
“Ne mezi presim të mirëpresim Suedinë si një anëtare e plotë e aleancës dhe në këtë drejtim mirëpresim marrëveshjen e arritur midis sekretarit të përgjithshëm të NATO-s, presidentit të Turqisë dhe kryeministrit të Suedisë”, thuhet në një deklaratë të përbashkët pas ditës së parë të samitit të NATO-s në Vilnius të Lituanisë.
Dje, Turqia ra dakord ta dërgojë për ratifikim në parlamentin e saj protokollin e anëtarësimit të Suedisë në NATO.
Deklarata e përbashkët pas ditës së parë të samitit e përshkroi luftën kundër terrorizmit si “thelbësore” për mbrojtjen e NATO-s.
“Ne e refuzojmë kategorikisht dhe e dënojmë terrorizmin në termat më të fortë të mundshëm. Kundër terrorizmi në të gjita format dhe manifestimet e tij është thelbësor për mbrojtjen tonë kolektive”, tha ai.
Lidhur me anëtarësimin e Ukrainës në NATO, deklarata e përbashkët theksoi se aleanca “mbështet plotësisht” të drejtën e Kievit për të zgjedhur rregullat e veta të sigurisë, duke shtuar se “e ardhmja e Ukrainës është në NATO”.
“Ne riafirmojmë angazhimin që bëmë në samitin e vitit 2008 në Bukuresht se Ukraina do të bëhet anëtare e NATO-s dhe sot e pranojmë se rruga e Ukrainës drejt integrimit të plotë euroatlantik ka shkuar përtej nevojës për Planin e Veprimit të Anëtarësimit”, thuhet në deklaratë.
Më tej, po ashtu theksohet se “Ukraina është bërë gjithnjë e më e ndërveprueshme dhe e integruar politikisht me aleancën dhe ka bërë përparim thelbësor në rrugën e saj të reformave”.
Megjithatë, theksohet se aleanca do t’i bëjë ftesë Ukrainës kur “aleatët të bien dakord dhe të plotësohen kushtet”.