Autoritetet greke kanë ngritur alarmin për rrezik të lartë për zjarre nga e enjtja e tutje, ndërsa vendi po përgatitet për një valë të re të të nxehtit, raportuan mediat lokale, transmeton Anadolu.
Erërat e forta në Egje parashikohen të shkaktojnë rrezik të lartë zjarresh në Peloponezin jugor dhe rajonin qendror të Atikës që përfshin kryeqytetin e Athinës, qytetin port pranë Pireut në Kretë, si dhe Dodekanezin dhe ishujt e Egjeut të Veriut, tha agjencia shtetërore e lajmeve AMNA.
Ajo shtoi se departamentet e zjarrfikësve në këto rajone janë vënë në gatishmëri të lartë, ndërsa agjencitë e ekspertëve kanë shtuar patrullimet ajrore dhe tokësore.
Shërbimi Meteorologjik Kombëtar njoftoi se një valë e re e të nxehtit deri në 43 gradë Celsius do të arrijë në vend nga e enjtja e në vazhdim.
Të dielën në mbrëmje, Shërbimi Kombëtar i Zjarrfikësve raportoi se të paktën 46 zjarre pyjore shpërthyen në 24 orët e fundit. Shërbimi shtoi se shumica e zjarreve janë shuar përpara se të përhapeshin, por kushtet e motit rrisin rrezikun e zjarreve në pyje.
More footage: #Weathercloud
A major forest fire fanned by strong winds is underway near Athens in #Greece.
Evacuation orders have been issued in several seaside areas. pic.twitter.com/jbnpOtwrn5— RawNews1st (@Raw_News1st) July 17, 2023
