Instituti Meteorologjik i Spanjës (AEMET) njoftoi se sipas të dhënave të regjistruara që nga viti 1928 është thyer rekordi i temperaturës së ajrit prej 45,4 gradë Celsius më 18 korrik në lagjen Figueres të qytetit Girona.
AEMET theksoi se vala e tretë ekstreme e të nxehtit të stinës së verës, e cila është ndier në gjithë vendin që nga fillimi i javës, ka thyer rekordin më të lartë të temperaturës së ajrit.
Zëdhënësi i AEMET, Ruben del Campo, kujtoi se temperatura më e lartë e ajrit në Spanjë deri më tani ishte 44,5 gradë në Daroca të qytetit Zaragoza në vitin 2015.
Sipas të dhënave, dita më e nxehtë në 95 vitet e fundit u regjistrua si 45,4 gradë më 18 korrik në rrethin Figueres të Gironas, në rajonin lindor të vendit, Katalonja.
Thuhet se ajri i nxehtë, i cili ka përfshirë vendin në përgjithësi, ka arritur në 44,6 gradë celsius në qytetin e Kordobës në rajonin jugor të Andaluzisë dhe është matur mbi 43 gradë në disa qytete dhe qyteza të Ishujve Baleare, Valencia dhe rajonet e Aragonit.
Zëdhënësi i AEMET, Del Campo, tha se Spanja përjetoi një nga muajt korrik më të nxehtë të të gjitha kohërave.
Është bërë e ditur se nga nesër vala e të nxehtit ekstrem do të humbasë efektin.
